Ar Thóir an Airgid - Bertie Faoi Bhrú ag an mBrúnach

Nárbh áit an comhdháil nuachta a bhí againne inné, agus Uinsinn de Brún ar thóir airgid Bertie Ahern mar a bhíodh sé ar thóir airgid Chathail Uí hEoghaigh fiche nó tríocha bhlian ó shin? Ba chuimhin le gach duine a bhí ann inné ar na laethanta sin agus mura chuimhin leo, chuir an Brúnach an sean-ré ina chuimhne arís nuair a rinne PJ Mara, bainisteoir comhdhála nuachta, iarracht béal an Bhrúnaigh a dhúnadh. Rud atá níos deacra ná mar a shílfeá.

Ach cá bhfuil tuiscint an phobail anois tar éis an chéad seachtain olltoghcháin seo? An bhfuil níos mó nó níos lú múinin againne i mBertie? Ar chaill sé rud éigin? Agus má chaill, ab fhéidir leis gach rud a chailleadh a thabairt arís, agus níos mó, ins na fiche lá atá faghta aige sa fheachtas fós?

Scríobh do scríobhnóir cúpla lá ó shin go bhfuil méain chumarsáide na hÉireann ar an taobh chlé, beag nó mór. Cuireadh ríomhphost chugam mar gheall ar sin, ag rá nach raibh an ceart agam. Táim ag smaoineamh ar an gceist fós, agus ar m'anam, níl fios agam cá bhfuil méain chumarsáide na hÉireann sa diabhal, nó an bhfuil fios acu féin.

Tóg cúrsaí inné, agus conas a chuireadh amach an scéal. Cad é an scéal a bhí ag na méain? Gur ionsaigh Uinsinn de Brún ar Bertie Ahern? Nach raibh an Taoiseach reidh don ceisteanna ar airgead an Taoisigh? Go ndearna feall ar an Áire Airgid nuair a d'athraigh Fianna Fáil a dtuairim ar an ndleacht stampála, agus an tÁire Airgid ag rá nach n-athróidh? Bhí na scéalta go léir seo ag méain áirithe agus ar chláracha áirithe le linn an lae inné, agus ag na páipéirí inniu, ach níor tháining éinne amach ag ceistiú an rud is mó atá i mbeal na daoine maidir le Ahern anois - an raibh, nó an bhfuil, an Taoiseach ag tógail airgid nach gcóir do a thógail?

Sin tús agus deireadh an scéil. Dá mbainfeadh scéal céanna le polaiteoir éigin i Shasana, mar shampla, beidh a rás rite sula an nuacht ag a ní a chlog. Ach anseo in Éirinn, níltear comh soléir sin. Ní thaitníonn linn, na Gaeil, bheith i gcomhréir lena gcéile. Shíltear nach gcóir d'éinne a chánacha a seachaint, ach má insíonn cara duinn faoin stróic breá a d'imir sé ar an mbaillitheoir cánach, an gcuirtear glaoch ar na Gardaí? Mar dhea - cuirtear glaoch ar an mbéar, agus óltar sláinte an fear glic go dtitim oíche.

An rógaire é Bertie Ahern, nó an fear glic é? Más rógaire é, cén fáth nach n-ionsaíonn an lucht freasúra air? Deireadh ar Phrime Time oíche Dé Máirt, agus an scéal ag druidim go mall amach ag an am, nár thaitníonn leo ionsaigh air mar d'éirigh Ahern cúig phointe sa phollanna an uair deireanach a n-ionsaíodh air maidir lena airgead, agus ní thaitneodh le Phat nó le Inda an tubáiste céanna a tharla arís.

Dar liom féin, tá feachas Fhianna Fáil i bhfad níos laige ná mar a bhí ag an uair chéanna cúig bhliain ó shin, agus tá sé dóchreite ar fad nach bhfuil siad reidh ar cheisteanna airgid an Taoisigh. Ag an am céanna, is fada an lá go rachaimid chuig na pollanna agus is fada trí seachtain i gcúrsaí polaitiúla. I gceann lá is deich, tugfaidh Bertie Ahern oráid i dTeach Westminister. Beidh an cruinniú is laidre é idir ceannairí Shasana agus Éireann ón lá a chuaigh Gráinne Uí Mháille suas an abhainn Thames chun caint leis an mBanríon Éilis, banríon le banríon. Má tá Ahern beo fós, cuirfear clú mór le Ahern as an oráid sin. Comh maith le sin, is fada iad trí seachtain ar ceannairí Fhine Gael Enda a choinnéal slán. Tá an Brúnach amach fós, agus tá blás fola aige anois. Tá roinnt spraoí fagtha sa fheachtas seo!





Technorati Tags: Gaeilge, Éirinn, Bertie Ahern, toghchán

An Polaiteoir is Tabhachtaí in Éirinn in ár Linne

Is é Mícheál Mac Domhaill, Táiniste agus Áire Dlí agus Cirt, an t-aon duine polaitiúla is tabhachtaí len ár linne. Níos tabhachtaí ná Seán Ó Loinsigh nó Cathal Ó hEochaigh nó fiú amháin Gearóid Mac Gearailt féin.

Tá Mac Domhaill tabhachtach ar an dá uair - toisc go bhfuil sé ina cheannaire ar na PDs faoi láthair, tar éis ré fada ina chroí agus ina choinsias dóibh, agus toisc nach mball de Fhine Gael fós é. Chun dul chun cinn teacht ar na PDs, bhí ar Fhine Gael dul i meath, agus sin mar a tharla nuair a d'fhág Mícheál Mac Domhaill iad chun dul leis na PDs nuair a mbunadh na PDs ins na 80í.

Chuir Dessie O'Malley na PDs ar an bhfód don chéad uair, ach ba léir nach raibh taobh thiar sin ach an sean-throid idir é féin agus Cathal Ó hEochaigh. Nuair a d'éirigh Fianna Fáil ró-thé don Máilleach, bhí air imeacht agus a pháirtí féin a chur ar siúl. Ba iad na PDs an páirtí sin, ach bhí ar an bpáirtí teaspáint do na Gaeil nárbh é an searbhas amháin a bhí taobh thiar dóibh, ach go raibh radharc nua reabhlóideach acu ar chúrsaí polaitiúla an Stáit. Ba é Mac Domhaill a thug an inchreidteach sin dóibh.

Cloistear go minic agus cúrsaí polaitiúla á phlé nach bhfuil radharc ag éinne faoi láthair, go bhfuil na Teachtaí Dála go leir cosuil lena chéile, nárbh fhéidir dífríocht a fhéiceál eadarthu. Ní chóir é a rá faoi Mícheál Mac Domhaill - ar ndóigh, tá an-iomarca radhairc ag Mac Domhaill, ach is é an radharc mí-cheart dár leis an Scoil Eacnamaíochta Doheny & Nesbitts, mar a chuir John Waters ar lucht cainte na cathrach. Tá na méain chumarsáide go leir in Éirinn ar an taobh clé, beag nó mór - nuair a mbíonn siad ag cur amach nach bhfuil radharc i gcúrsaí polaitiúla na hÉireann, cialltar faoi sin ná nach bhfuil radharc chlé ann. 'Sé an locht atá acu ar Mac Domhaill nach nach bhfuil radharc aige, ach go bhfuil an radharc mícheart aige, toisc go bhfuil Mac Domhaill ar an taobh dheis, agus go daingean ar an taobh dheis.

Agus is é sin an radharc nua a thug Mac Domhaill don bpolaitíocht na hÉireann, agus is é an tús nua an radhairc dheis sin a mbeidh mar oidhreacht aige. Toisc gur pháirtí ar an taobh dheis é Fine Gael ó bhúnadh é, is gá dóibh i gcónaí na polasaithe sin a thréigeadh agus iad i gcothrom rialtais le Pairtí an Lucht Oibre, mar shampla. Ach nuair a d'fhág Mac Domhaill Fine Gael agus a chreidimh iontu caillte tar éis an rialtas túbaisteach sin faoi Gearóid Mac Gearailt ó 1982-'87, thóg sé culaidh Fine Gael leis. Thóg sé an creideamh gur chóir duais a thabairt ar obair mhaith, drochobair a phianadh agus airgead an Stáit, an t-airgead a chailleadh ins na Roinn Rialtais, a luachtadh.

Scríobh trachtairí polaitiúla cosuil le Mícheál D Ó hUiginn agus Fionntán Ó Tuathail le fada an lá gurbh é an fadhb is mó ag cúrsaí polaitiúla na hÉireann ná nach bhfuil glan-deighilt idir an lucht chlé agus an lucht dheis. Ní raibh an ceart acu; bhí an ceart ag John Kelly bocht, iar-Theachta Dála Fhine Gael, a dúirt ins na h-ochtóidí gur chóir do Fhine Gael dul i rialtas le Fianna Fáil agus gan bacadh leis An Lucht Oibre níos mó, ach fuair sé an buíochas a fhaigeann gach taingire, magadh agus droch-bhacadh. Ach, agus na blianta á chaitheamh agus Mac Domhaill ag teacht in airde leis na PDs, tháinig saghas athrú orthu. B'fhéidir leo seanchulaidh Fine Gael - meas ar an ndlí, meas ar an airgead - a chaitheamh iad féin, ina saoirse ó dhrochmheánchan an seanpháirtí - na léiní ghorma, an sean-cheangail idir iadsan agus an Lucht Oibre, agus rudaí mar sin. Agus anois, cúig bhliana déag tar éis bás John Kelly, tá a radharc féin i gcumhacht, agus Mícheál Mac Domhaill ann mar anam agus intinn seandreaim Fhine Gael, cé go bhfuil an pairtí féin ar bhealach eile.

Sin é an fáth, sílim, go bhfuil an méid fuath ag lucht Fhine Gael ar Mhac Domhaill faoi láthair. Féach ar an méid masla atá ag Sarah Carey, bean a'tí, nó la belle chatelaine, an domhain blagadóireachta na Gaeilge, ar Mhac Domhaill ina blag sárspéisiúl polaitiúla GUBU? Ach i ndáiríre, cé acu ab fhearr léi mar cheannaire Fine Gael, Mícheál Mac Domhaill nó Inda Ó Cionnaigh? Sin é an fáth gurbh é Mícheál Mac Domhaill an t-aon duine amháin is tabhachtaí i gcúrsaí polaitiúla na hÉireann in ár linne - toisc go bhfuil sé ag tacaíocht le Fianna Fáil agus - b'fhéidir níos tabhachtaí - nach bhfuil sé fós ag tacaíocht le Fine Gael, a bhaile nádúrtha sa seansaol.





Technorati Tags: Éirinn, Gaeilge, toghchán, polaitíocht